Fianarana kabary

publié le 30/10/2011 - 10h00, par TAKARIVA / TAKARIVA

votez :

envoyer à un ami

commenter

imprimer

saha tanimbary

"...Tompoko lahy sy tompoko vavy ...)

Ny fampianarana androany dia fanomezana fomba fiteny tsotsotra izay azo ampiasaina amin'ny fiainana andavanandro .

LESONA VOALOHANY :

TENY FAMPIDIRANA RAHA HANDIMBY OLONA HITENY :

"Mipasoka ny efa malama mandrava izay velondrirana, mitsoka ny efa mirehitra hono maka fanahy ny lavenona "

"Tsy hanao gilamaso mangarika ka hamerina ny efa vita, aleo manatevina toy izay manala "

"Atao tahaky ny anana, tsara ny manampy toy izay manositra "

REHEFA HANOMBOKA INDRAY DIA AO NY FIALANA TSINY :

Azafady Tompoko lahy , azafady tompoko vavy !

Manao azafady aminareo izaho raha handray fitenenana satria tsy zokiny ny tenako fa zandriny , ary tsy Ray aman-dreny fa zanaka !

Angady no filanjako ary sobika no filolohako !

Ka tsy tokony hiteny eto anatrehanareo !

Ka hiteny manoloana ny ambany lanitra e , ka sadaikatra be ihany !

Hiteny manoloana anareo ambany lanitra ka toa vahotra ihany ny lela !

Hiteny manoloana anareo ka dia ialako tsiny !

Ny tsiny hono maiva mavesatra , tsy zakan'ny teo aloha ka ombako tsy mahazaka ihany koa !

Ary ny teny tsy afa tsiny hono , mahafolaka andatiny ka mahafaty tanora !

Ka dia miala tsiny Tompoko lahy , miala tsiny tompoko vavy !

Miala satroka , miala po tsatroka , miala salohy fito ....